Visitt Hitec
Léif ANEIL Memberen,
mir invitéieren iech häerzlech op eng spannend an exklusiv Visitt bei HITEC Luxembourg, enger innovativer lëtzebuergescher Héichtechnologiefirma, déi 1986 gegrënnt gouf an haut zu Mamer sëtzt.
HITEC Luxembourg spezialiséiert sech op d’Entwécklung an d’Produktioun vun héichtechnologesche Léisungen. D’Entreprise entwéckelt ënner anerem Antennesystemer fir Satellitte-Buedemstatiounen, déi och am europäesche Galileo-Programm agesat ginn. Donieft produzéiert si Miess- an Testapparater fir d’Industrie a bitt innovativ Léisunge fir Verkéiersmanagement an Noutfallkommunikatioun un.
Dës Visitt bitt iech eng eenzegaarteg Geleeënheet, hannert d’Kulisse vun enger lëtzebuergescher Héichtechnologiefirma ze kucken an en direkten Abléck an hir Technologien an Aktivitéiten ze kréien.
Wat erwaart iech bei der Visitt?
- Presentatioun vun HITEC Luxembourg a sengen Aktivitéiten
- Abléck an d’Entwécklung vu Satellittenantennen a Kommunikatiounssystemer
- Entdeckung vun innovative Miess- an Testtechnologien
- Abléck an d’Léisunge fir Verkéiersmanagement an Noutfallkommunikatioun
- Méiglechkeet fir Froen un Expert*innen ze stellen
Praktesch Informatiounen:
📅 Datum: 13. November 2026
🕒 Zäit: 14:00 – 16:00 Auer
📍 Standuert:
HITEC Luxembourg
49, rue du Baerendall
L-8212 Mamer, Lëtzebuerg
📌 Treffpunkt:
13:45 Auer um Parking virun HITEC Luxembourg.
🚗 Transport:
Den Transport muss jidderee selwer organiséieren (Covoiturage recommandéiert).
👉 Mellt iech elo un iwwer dëse Link!
Mir freeën eis op eng interessant an technesch faszinéierend Visitt mat iech! 🚀
Ären ANEIL Comité 🧡